中金網今日介紹"老廟黃金全國分店(老廟黃金全國有多少家專賣店)"，希望小金從網上整理的老廟黃金全國分店(老廟黃金全國有多少家專賣店)對您幫助。

上海老城隍廟是中國第一代“吃貨”根據地，為什么這說？這里發生了什么故事呢？聽老上海人來講一講吧。（文/馬尚龍主播/丁婷婷圖/桑麟康）

如果講，老城隍廟是中國第一代“吃貨”津津有味個根據地，那么，老城隍廟也是中國第一代賢妻良母小百貨個集中營。老城隍廟勿是四大公司，伊種介地方是買撐面子個物事【makshy】，老城隍廟是買過日腳個東西，日用小百貨，連大口玻璃瓶搿樣個東西，連熱水瓶塞頭搿樣個小物事，儕可以辣老城隍廟里買到。多年后有位先生個姆媽突然行動勿便，迭位先生急于買一根拐杖，到阿里去買？伊個姆媽提醒伊，老城隍廟呀，伊搭塊肯定有。伊去了，果然嘸沒錯。當年辣城隍廟買日用品個勿會是傭人，勿會是有銅鈿個太太，只有賢妻良母。也只有賢妻良母對老城隍廟五香豆更加鐘情，勿剝皮勿吐核，邊走邊吃且勿失女人個樣子。而且派頭大開銷省，回到屋里分一點撥人家也舍得。

有吃，有買，有九曲橋，有魚，依舊是小朋友和女人們個喜歡；再往前，始建于清朝個湖心亭，搿個是爺爺輩個人喫茶聽評彈個地方，蔣調、張調、徐調、琴調，拂過湖中荷花，沿著九曲橋而彌散。介許多年過來，迭個有聲有色個美景，仍舊是美景。只是人太多，伊麗莎白二世和克林頓辣湖心亭品茗賞荷之視線所及，那是阿拉及不了了。

再往里走，會經歷老城隍廟意境最大個反差。賣梨膏糖，代表了最市井世俗個吆喝，搿種吆喝逐漸成為了勿著邊際信口胡說個代名詞，脫賣狗皮膏藥是差勿多個意思。緊接著迭能一種市井風情，便是到了中國第一代小資個舒卷怡情個集散地，豫園。歷來上海人是將老城隍廟告豫園當作連體個風情地，實際上，正是雅俗兩種文化個巧妙對接?？梢宰糇C個是，2013年9月，中國郵政發行了《豫園》特種郵票，一套四枚，有豫園個景致，也有湖心亭九曲橋個全貌——老城隍廟告豫園難分彼此。有情調個男女，逛了城隍廟后會去豫園漫步，稍好個人家，會辣豫園拍一張全家福。1980年代初期，電視臺好幾年中秋晚會，都安排辣豫園，賞月，賞桂。比起當下很多電視晚會奢侈掩蓋著個蒼白，比也勿能比。

搿就是老城隍廟，也是感覺上具有唯一性個老城隍廟。城隍廟勿是唯一，城隍廟里個元素組合、城隍廟與豫園個對接才是唯一。甚至老城隍廟里幾十年間有一家全中國獨一無二個店，真正個獨此一家別無分店：“永青假發店”。小辰光每一次經過，都會笑出聲來個張望，很想看到一個禿頭進去……未曾想幾十年過后，自家也成了“絕頂”聰明個人。

永青假發做勿到永青，但是老城隍廟個世俗生命力真是永葆青春?！袄蠌R黃金”是上海黃金飾品個品牌。論資歷脫歷史，老廟黃金比勿上老鳳祥，老鳳祥是從創始于1848年個老鳳祥銀樓而來，老廟黃金已經是1982年個事情了，但是老廟黃金擁有一份全國紀錄，伊是國務院批準國內恢復銷售黃金飾品后上海開設個第一家黃金零售點。為啥上海老城隍廟還有一家老廟黃金，其實兩者間嘸沒從屬關系，但是啥人又能說兩者間嘸沒互為因果個生長？搿一家沾了老城隍廟仙氣個黃金珠寶飾品店，沾到個是老城隍廟市井民俗卻勿乏情調意境個大上海文化，沾到個是脫老城隍廟一樣個勿唯一中個唯一。

今日中金網關于老廟黃金全國分店(老廟黃金全國有多少家專賣店)的介紹就到此。